Gjendja në grupin e Kosovës në kuadër të Ligës së Kombeve nuk ka shënuar shumë ndryshim pas fitores së “dardanëve” sot ndaj Qipros.

Ndeshja ndërmjet Rumanisë dhe Lituanisë në Bukuresht përfundoi me rezultatin 3:1 në favor të ekipit vendës.

Rumunët “shpëtuan” fillimisht nga penalltia në minutën e fundit të ndeshjes dhe më pas Lituania u ‘dorëzua’ në fushë duke pësuar edhe një gol për epilogun 3:1.

Valentin Mihaila në minutën e katërt solli rumunët në epërsi prej 1:0, por shifrat u barazuan në minutën e 34-të përmes Armandas Kucys.

Deri në minutën 87-të rezultati ishte i barabartë, kur u akordua penallti për Rumaninë, të cilën e realizoi Marius Marin.

Në minutën e dytë të kohës shtesë, Alexandru Mitrita vulosi përfundimisht fitoren e vështirë të rumunëve për të mbajtur vendin e parë në grup me gjashtë pikë maksimale, pasuar nga Kosova e Qipro me nga 3 dhe Lituania pa pikë.