Një numër i madh i qytetarëve e personalitete nga fusha të ndryshme janë mbledhur në Prishtinë për të festuar ditëlindjen e heroit kombëtar Gjergj Kastrioti-Skënderbeu.
Ata kanë ecur nga sheshi “Xhorxh Bush” nëpër Sheshin “Nënë Tereza” deri në Sheshin “Skënderbe”, e ku e gjithë ecja është përcjellë me performancën e Xhevat Limanit si Skënderbeu. Limani gjatë këtij marshimi tha se sot është një ditë shumë e veçantë për çdo shqiptar. “Kjo është ditë e madhe e popullit shqiptar është një ditë shumë e veçantë për shqiptaret e Kosovës që kremtojnë me dinjitet dhe devotshmëri ditëlindjen e krehurit tonë kombëtar Gjergj Kastrioti Skënderbeu. Do të marshojmë me dinjitet për ta nderuar profetin e shqiptareve Gjergj Kastrioti Skënderbeu”, tha ai.
Manifestimi është organizuar nga Organizata Shqiptaria, Korporata Kryeziu, shoqatat simotra: Kufijtë e Arbrit, Lëvizja e Deçanit, mbështetur nga organizatat e dala nga Lufta e UÇK-së dhe Shoqata Artistët për Artistë.
