Rritja ekonomike dhe zhvillimi i qëndrueshëm në Kosovë, bashkëpunimi ekonomik dhe mbështetja në transformimin e burimeve të energjisë dhe fuqizimi i rolit të SHBA-së në Ballkanin Perëndimor, ishin temë diskutimi në takimin e shefes së diplomacisë kosovare Donika Gërvalla me kongresistin demokrat William Keating.

Ministrja Gërvalla e njoftoi kongresistin amerikan rreth veprimeve të Kosovës në luftimin e krimit dhe korrupsionit, informalitetit dhe shtrirjen e sovranitetit në gjithë territorin e vendit.

Shefja e diplomacisë kosovare ndodhet për vizitë zyrtare në Uashington, ku gjatë ditëve të kaluara ka takuar edhe kongresistë të tjerë amerikan, si dhe ka marrë pjesë në inaugurimin e objektit të ri të Ambasadës së Kosovës në Uashington.