Ministrja e Punëve të Jashtme dhe Diasporës, Donika Gërvalla, thotë se anëtarësimi në Këshill të Evropës gjatë këtij viti ka qenë synim, por jo objektiv real.

Sipas saj, objektivi ka qenë kalimi i kërkesës në organet e Këshillit të Evropës dhe marrja e votës në Asamblenë Parlamentare, në mënyrë që anëtarësimi të arrihet muajt ose vitin e ardhshëm.

Ajo nuk pranon ta quajë dështim mos përfshirjen e Kosovës në agjendë të Komitetit të Ministrave të Punëve të Jashtme më 17 maj, por konsideron sukses marrjen e mbi 82 për qind të votave në Asamblenë Parlamentare.

Kryediplomatja kosovare në një intervistë për KosovaPress flet edhe për mungesën e njohjeve të reja, rrezikun nga Serbia, zgjedhjet e reja dhe  bashkëpunimin me Lëvizjen Vetëvendosje.

Gërvalla thotë se gjatë mbi tri viteve në krye të diplomacisë kanë arritur bilance pozitive në politikën e jashtme.

Duke folur për mungesën e njohjeve të reja, ajo thekson se po punojnë për të arritur të njëjtat, por shton se faza kur njohjet e reja kanë qenë element kyç për forcimin e Kosovës në arenën ndërkombëtare, ka kaluar.

Sa i përket rrezikut që i kanoset Kosovës nga Serbia, zëvendëskryeministrja Gërvalla thotë se vendi është i gatshëm t’iu bërë ballë kërcënimeve që vijnë nga fqinji verior.

Në anën tjetër, bashkëkryetarja e Partisë Guxo për KosovaPress shprehet e gatshme për zgjedhje të reja, por kërkon që opozita të qartësojë qëndrimin e saj për shkuarje ose jo në garën zgjedhore.

Gërvalla është e hapur për një bashkëpunim të dytë me Lëvizjen Vetëvendosje, megjithëse thotë se biseda të tilla ende nuk janë bërë në strukturat e partisë.

Lajmi i plotë në sistemin me parapagim...