Presidenti i Serbisë Aleksandar Vuçiq ka zhvilluar sot një bisedë telefonike me homologun dhe aleatin e tij rus Vladimir Putin, të cilin e ka falënderuar për “atë që ai e ka siguruar se Rusia do të furnizojë Serbinë mjaftueshëm me gaz për dimër.”

Vuçiq në një video-adresim në Instagram tha se “nuk kishte biseduar me Putin për pothuajse dy vjet e gjysmë dhe se sot kanë pasur një bisedë të mirë, të hapur, të gjatë dhe kuptimplotë”. Ai shtoi se kanë biseduar edhe për çështje bilaterale ekonomike dhe politike.