Pas kërkesës së Vetëvendosjes që të shmangen afatet e rregulloreve të Kuvendit për shqyrtim të projektligjit për ndarjet buxhetore në lexim të dytë, shefi i GP të LDK-së, Arben Gashi iu drejtua kryeministrit të vendit, Albin Kurti, iu drejtua me këto fjalë: “çka është urgjente, dil trego mos u çaravesh aty prej vendit se je kryeministër”. Për këtë ka reaguar kryetari i Kuvendit, Glauk Konjufca i cili kërkoi nga Gashi të jetë i kujdesshëm me fjalorin.

Ndërkaq, deputeti i Vetëvendosjes, Armend Muja ka propozuar që të shmangen afatet e rregulloreve të Kuvendit për shqyrtim të projektligjit për ndarjet buxhetore. Ai ka propozuar që shqyrtimi i dytë të bëhet në seancën e Kuvendit të Kosov më 21 nëntor.

Para votimit të buxhetit në lexim të parë, edhe deputetja e Partisë Demokratike të Kosovës, Blerta Deliu-Kodra ka kritikuar Qeverinë aktuale të Kosovës për rritjen e pagave, duke thënë se pagat më së shumti janë rritur për zyrtarët qeveritarë.