Ish-futbollisti, njëherësh prezantuesi i BBC-së Gary Lineker do të përballet me gjykatën për një faturë tatimore afërsisht 5 milionë funte në lidhje me të ardhurat e tij midis 2013 dhe 2018.

Prezantuesi 63-vjeçar i Match of the Day, i cili do të lërë shfaqjen e futbollit në fund të sezonit, po hetohet për të ardhurat e tij nga koha kur ai punoi për BBC dhe BT Sport. Ai e listoi veten si një profesionist i pavarur, ndërsa organet tatimore e konsideruan atë punonjës.

Në mars 2023, gjykatat vendosën në favor të ish-asit të Leicester City dhe Anglisë Lineker kundër HMRC. Tre muaj më vonë, HMRC e apeloi vendimin dhe tani është caktuar një datë që të dy palët të përballen me njëra-tjetrën më 2 dhe 3 dhjetor.

Lineker argumentoi se ai kishte paguar të gjithë tatimin e tij në mënyrë legjitime përmes firmës së tij Gary Lineker Media, një argument i ngjashëm i përdorur nga e preferuara e televizionit Lorraine Kelly, e cila u përball me një faturë 1.2 milion funte, por një gjykatës vendosi që ajo punonte për veten e saj dhe jo për ITV.

Lajmi vjen pasi BBC këtë javë konfirmoi se Lineker do të largohet nga shfaqja që ai drejtoi për herë të parë në 1999 në fund të këtij sezoni.

Ai do të qëndrojë në Beeb deri në vitin 2026 pasi të dyja palët ranë dakord në parim që ai të prezantojë mbulimin e Kupës së ardhme Botërore. Gjithashtu do të presë mbulimin e Kupës FA 2025/26 dhe do të vazhdojë me podcastin Top Ten të MoTD. Korporata do të mbajë podcast Rest is Football me Lineker në BBC Sounds.

Lineker kishte filluar punën si prezantues i BBC Radio 5 Live dhe gjithashtu punonte në emisionin Grandstand pasditen e së shtunës.

Në mars 2023, Lineker u pezullua shkurtimisht nga programi pasi postimi i tij në X rreth politikës së qeverisë për azilin, ngriti një sërë akuzash për shkak të pikëpamjeve të tija politike në mediat sociale.