Kancelari gjerman Friedrich Merz ka deklaruar se ka zhvilluar një bisedë telefonike me presidentin amerikan Donald Trump, gjatë kthimit të këtij të fundit nga Kina drejt Uashingtonit.

Sipas kancelarit Merz, të dy palët ranë dakord për nevojën që Irani të kthehet sa më shpejt në tryezën e negociatave.

Në një postim në platformën X, Merz shpjegoi se ai dhe Trump u pajtuan se “Irani duhet të rihapë Ngushticën e Hormuzit”.

Ai theksoi gjithashtu domosdoshmërinë për të parandaluar që Teherani të sigurojë armë bërthamore.

Kjo deklaratë vjen në mes të tensioneve në rritje rajonale lidhur me programin bërthamor iranian.

Kancelari gjerman tha se biseda trajtoi edhe mundësitë për një zgjidhje paqësore të luftës në Ukrainë.

Përveç kësaj, u diskutua për koordinimin e pozicioneve të përbashkëta para Samitit të ardhshëm të NATO-s në Ankara, Turqi.

Deklaratat e Merz vijnë në një moment kur përpjekjet diplomatike ndërkombëtare për çështjen bërthamore iraniane vazhdojnë.

Ato pasqyrojnë edhe raportime për ndërmjetësime rajonale e ndërkombëtare për uljen e tensioneve dhe kthimin e palëve në negociata.

Çështja bërthamore iraniane ka parë rritje të tensioneve kohët e fundit, sidomos për shkak të shqetësimeve perëndimore se Teherani mund të zhvillojë aftësi armësh bërthamore, transmeton rtsh.

Fuqitë perëndimore po kërkojnë të shtojnë presionin politik dhe diplomatik ndaj Iranit për të rifilluar negociatat dhe për të arritur marrëveshje të reja që ulin tensionet në rajon.

I had a good phone call with @POTUS Donald Trump on his way back from China. We agree: Iran must come to the negotiating table now. It must open the Strait of Hormuz. Tehran must not be allowed to have nuclear weapons. (1/2)

— Bundeskanzler Friedrich Merz (@bundeskanzler) May 15, 2026