Forca e Sigurisë së Kosovës (FSK) ka mbledhur partnerët e saj në konferencën vjetore “FSK dhe partnerët 2023” e organizuar nga Ministria e Mbrojtjes për të përmirësuar bashkëpunimin ndërkombëtar dhe për të realizuar planet me partnerët në vazhdim. Derisa partnerët ndërkombëtarë u shprehën të gatshëm për të vazhduar mbështetje dhe bashkëpunimin me Kosovën si dhe duke falënderuar mbështetjen që Kosova u ofron atyre.

Ministri i Mbrojtjes, Ejup Maqedonci, tha se partneriteti është shumë i rëndësishëm për të ballafaquar sfidat dhe operacionet e sigurisë në interesa të përbashkëta.

Maqedonci ka folur edhe për sulmin terrorist të 24 shtatorit në Banjskë, për të cilin tha se sulmi kundrejt Kosovës  ka përfunduar pa sukses falë ndërhyrjeve së Policisë së Kosovës dhe koordinimit të mirë me partnerët.  

Ai tha se FSK-ja është e përcaktuar për të rritur bashkëpunimet me partnerët ndërkombëtarë.

Komandanti i FSK-së, Bashkim Jashari tha se FSK-ja nuk do te ishte këtu nëse nuk do kishte mbështetjen nga vendet aleatë me trajnime ushtarake.

Jashari tha se së bashku me ministrin e Mbrojtës kanë një bashkëpunim të rregullt dhe sipas tij, rasti i fundit më Banjskë  është mesazh që FSK-ja duhet të jetë gjithmonë e gatshme.

Ambasadori i Amerikës në Kosovë, Jeff Hovenier tha se janë të gatshëm të mbështesin një forcë shumë etnike ushtarake për Kosovën. Ai tha se ShBA ka dhënë ndihmë mbi 23 milionë FSK-së dhe Ministrisë së Mbrojtjes.

Ambasadori i Gjermanisë, Joern Rohde u shpreh se Gjermania vazhdon të jetë partnere e fuqishme e Kosovës, sepse sipas tij Kosova është një partnere e shkëlqyeshme për transformimin e FSK-së.

Ambasadori i Turqisë në Kosovë, Sabri Tunç Angılı, theksoi se Turqia do të jetë gjithmonë partnere e Kosovës për të forcuar bashkëpunimin për një të ardhme të ndritshme.

Ai ka falënderuar ekipin e kërkim shpëtimit të Kosovës për ndihmën që u kanë ofruar gjatë tërmetit në Turqi.

Zëvendës ambasadori i Britanisë së Madhe në Kosovë, Paul O’Connor theksoi se KFOR-i britanik është i fokusuar  përreth kufijve të Kosovës, ai ka vlerësuar edhe punën e policisë dhe gatishmërinë e saj për të ndihmuar popullatën sa i përket sigurisë.

Lajmi i plotë në sistemin me parapagim.