Roma dhe Brightoni do ta vazhdojnë ëndrrën e tyre në Ligën e Evropës, ku përballen sonte në “Stadio Olimpico” me fillim nga ora 18:45.

Përballja e sotme është e vlefshme për ndeshjen e parë në kuadër të fazës ë 1/16-ës së Ligës së Evropës, raporton KosovaPress.

Pavarësisht se Brightoni nuk ka ndonjë eksperiencë evropiane, skuadra angleze nuk ka zhgënjyer këtë sezon, veçanërisht si mysafir. Brightoni është i pamposhtur si mysafir në garat evropiane këtë sezon, me dy fitoret e fundit kundër Ajaxit 2:0 dhe kundër AEK Athens 1:0, rezultate këto që kontribuojnë në katër ndeshje radhazi pa pranuar gol në Ligën e Evropës.

Ndërkaq, interesante është që Roma ka humbur vetëm një nga 30 ndeshjet e fundit si vendase në garat e UEFA-s.

Sa i përket ndeshjes së sotme, të dy skuadrat do të kenë mungesa të lojtarëve, ku për Romën nuk do të paraqitet Abraham, kurse te Brightoni mungojnë Heinshelwood, Joao Pedro, March, Milner dhe Mitoma.

Formacionet zyrtare i gjeni më poshtë.

Roma (4-3-3): Svilar; Spinazzola, Ndicka, Mancini, Celik; Pellegrini, Paredes, Cristante; El Shaarawy, Lukaku, Dybala

Brighton (4-2-3-1): Steele; Lamptey, Van Hecke, Dunk, Igor; Gilmour, Gross; Bounanotte, Enciso, Adingra; Welbeck