Ferizaj i fortë për Llapin, Dukagjini e mposht Malishevën
Kanë përfunduar të tri ndeshjet e programit të sotëm të Superligës së Kosovës, ku kemi rezultate tejet interesante dhe befasi.
Pas plot 90’ minutave lojë të zhvilluara në stadiumin “Liman Gegaj”, Dukagjini e ka mposhtur Malishevën si mysafirë me rezultat të ngushtë 2:1, raporton KosovaPress.
Për Dukagjinin golashënues ishin Khomutov (minuta e 44’) dhe Marclei Santos (minuta e 65’), kurse golin e nderit për Malishevën e shënoi Faruk Bihoraci në minutën e 50’.
Po ashtu, me rezultat të njëjtë 2:1 përfunduan edhe dy ndeshjet e tjera në Superligë, ku Ferizaj e mposhti Llapin, kurse Trepça ’89 shënoi fitore si mysafirë ndaj Drenicës.
Ferizaj e mposhti Llapin me ndihmën e dy golave të shënuar nga Edon Sadriu (minuta e 45+1’ dhe 58’), kurse golin e vetëm te Llapi e shënoi Gerhard Progni në minutën e 11’ të ndeshjes.
Rezultatet finale të tri ndeshjeve të sotme në Superligën e Kosovës i gjeni më poshtë.
Drenica 1:2 Trepça ’89
Ferizaj 2:1 KF Llapi
Malisheva 1:2 Dukagjini
