Një person i mitur për të cilin Policia në Gjakovë sot lëshoi kërkesë për identifikim, është kthyer te familja e tij falë bashkëpunimit me qytetarët pas publikimit të fotografisë së tij.

I mituri dje rreth orës 13:30 është shoqëruar në Stacionin Policor në Rahovec, i cili është gjetur në fshatin Xerxë-Rahovec, pa ndonjë dokument identifikimi. I njëjti dukej se është me nevoja të veçanta pasi që nuk ka aftësi komunikuese.

“Është arritur që për një kohë shumë të shkurtër të sigurohen informacione për identitetin dhe adresën e vendbanimit të tij dhe i mituri është kthyer tek familja”, thotë Drejtoria Rajonale e Policisë në Gjakovë, e cila falënderon qytetarët dhe mediat për bashkëpunimin e treguar.