Fabregas edhe zyrtarisht bëhet trajner
Ish-reprezentuesi i Spanjës, Cesc Fabregas është emëruar zyrtarisht si trajneri kryesor i Comos pasi mori distinktivin e tij të trajnerit: “Falënderoj grupin e pronësisë që më besoi këtë pozicion”.
Ish-mesfushori Fabregas është emëruar si trajneri kryesor i Comos duke nënshkruar një kontratë katërvjeçare me skuadrën e sapo promovuar në Serie A, raporton KosovaPress.
Ish-ylli i Barcelonës, Chelseat dhe Arsenalit u emërua nga “Azzurri” në nëntor të vitit 2023, por ai ende nuk kishte marrë distinktivët e tij të trajnerit të UEFA-s atëherë, kështu që iu bashkua Osian Roberts disa javë më vonë.
Nën drejtimin e Fabregas dhe Roberts, Como fitoi promovimin në Serie A sezonin e kaluar.
Tani që Fabregas zyrtarisht ka të drejtë të marrë drejtimin e një klubi profesionist i vetëm, ai ka nënshkruar një marrëveshje katërvjeçare.
“Como 1907 ka kënaqësinë të konfirmojë se Cesc Fàbregas do të bëhet trajneri kryesor i skuadrës së meshkujve me një kontratë katërvjeçare”, tha klubi në një deklaratë zyrtare.
“Emërimi vjen pas një fushate të suksesshme sezonin e kaluar si trajner i përkohshëm dhe asistent që kulmoi me rikthimin në Serie A”, shkruante më tej në deklaratën e klubit.
Pavarësisht emërimit të Fabregas, Roberts do të mbetet në klub.
"Siç ishte planifikuar, Osian Roberts tani do të fokusohet plotësisht në rolin e tij si Shefi i Zhvillimit për Como 1907, i ngarkuar me krijimin e një kulture Como brenda organizatës duke përfshirë edukimin e trajnerëve dhe planet e zhvillimit të lojtarëve," njoftoi klubi.