Aktiviteti në industrinë e Eurozonës shënoi rënie në korrik, më e madhja kjo qe nga fillimi i vitit si rezultat i vazhdimit të kërkesave të dobëta, sipas S&P Global.

Indeksi i menaxherëve të blerjeve (PMI) në industrinë e Eurozonës mbeti në korrik në nivelin e qershorit, kur arriti në 45.8 pikë, raportoi Banka Tregtare e Hamburgut (HCOB), e cila përpilon raporte për S&P Global.

Vlera e tij prej dy vjetësh nuk i kalon 50 pikë, duke sinjalizuar rënie të aktivitetit. Në korrik, prodhimi shënoi rënien më të fortë qe nga fillimi i vitit, dhe kërkesa është dobësuar për 27 muaj dhe nuk do të rikuperohet së shpejti, paralajmëron kryeekonomisti i HCOB, Cyrus de la Rubia.

Edhe çmimet e qëndrueshme të shitjes nuk e ndihmuan kërkesën, pavarësisht kostove më të larta operative, thekson HCOB.

Në grupin e “madh” aktiviteti është ngadalësuar edhe në industrinë spanjolle, e cila ka shënuar rezultatet më të mira që nga fillimi i vitit. Në Gjermani, megjithatë, shënoi rënien më të madhe midis vendeve të përfshira në anketë.

Në kushte të tilla, drejtuesit treguan pesimizëm në parashikimet e tyre për 12 muajt e ardhshëm për herë të parë që nga tetori i kaluar.

“Duke pasur parasysh të dhënat e dobëta (në sondazh), ndoshta do të na duhet të ulim parashikimin tonë prej 0.8 për qind të rritjes së bruto prodhimit vendor të eurozonës këtë vit,” tha Rubia.