Federata e Futbollit të Kamerunit ka refuzuar dorëheqjen e Samuel Eto'o nga posti i presidentit pas akuzave për sjellje të pahijshme dhe korrupsion.

Ish-sulmuesi i Barcelonës dhe Interit dha dorëheqjen e tij të hënën, vetëm pak ditë pas eliminimit zhgënjyese nga Kupa e Afrikës. Sipas “ESPN” , Eto'o ofroi largimin në një takim të komitetit ekzekutiv që u thirr për të vlerësuar fecurinë e dështuar të AFCON, ndërsa inkurajoi anëtarët e tjerë të federatës të bëjnë të njëjtën gjë me mirëbesim.

Por, Federata e Futbollit të Kamerunit ka informuar se është refuzuar dorëheqja e Eto’o-së, përcjellë KosovaPress.

"Në fund të diskutimeve, anëtarët e komitetit ekzekutiv vendosën të ruajnë mandatet e tyre aktuale dhe kështu refuzuan njëzëri dorëheqjen e presidentit duke rinovuar kështu besimin e tyre tek ai për të vazhduar me të njëjtën frymë rindërtimi dhe zhvillimi të futbollit të Kamerunit në të gjitha nivelet siç parashikohet në planin e tij të miratuar nga asambleja e përgjithshme zgjedhore e 11 dhjetorit 2021.", thuhet në deklaratën e federatës.

Eto'o ka marrë mbështetje nga kolegët e tij, pavarësisht se është përballur me akuza serioze gjatë vitit të kaluar. Javën e kaluar, “The Athletic” pretendoi se kishte parë mesazhe dhe regjistrime audio në ËhatsApp që supozohej se mbështesnin një sërë akuzash, duke përfshirë rregullim ndeshjesh, abuzim me pushtetin, kërcënime fizike, nxitje të dhunës dhe përhapjen e informacionit të rremë në Kamerun".

FIFA ka marrë një dosje që përmban detaje të akuzave, e cila po hetohet edhe nga Konfederata e Futbollit Afrikan (CAF).