Dani Alves është përballur me probleme të mëdha kohëve të fundit. Mbrojtësi brazilian është akuzuar për sulm seksual, ndërsa gjykata e Barcelonës e ka dënuar me katër vjet e gjashtë muaj burg. Alves, i cili konsiderohej si një nga mbrojtësit më të suksesshëm që ka veshur fanellën e Barcelonës, tani ka pësuar goditje të mëdha dhe imazhi i tij është dobësuar krejtësisht.
Duke parë këto zhvillime, Barcelona ka vendosur t'i heqë Dani Alvesit statusin e tij si legjendë e klubit, një titull që iu dha 102 lojtarëve që kanë veshur fanellën e famshme të Blaugranëve që nga themelimi i klubit më 29 nëntor 1899.Këtë e bën me dije mediumi spanjoll “Sport”, i cili bën me dije se klubi mori me kujdes këtë vendim, duke ruajtur prezumimin e pafajësisë për lojtarin brazilian, i cili u la në paraburgim më 20 janar 2023, në pritje të gjykimit.
Barcelona tani ka ndërmarrë këtë hap simbolik pas konfirmimit të dënimit të Alves për sulm seksual. Siç u përmend më herët, më 22 dhjetor, seksioni 21 i Gjykatës së Apelit të Barcelonës dënoi Dani Alvesin me katër vjet e gjashtë muaj burg.
Pavarësisht arritjeve të tij në fushë, trashëgimia e Alves është njollosur nga kjo çështje ligjore, duke e shtyrë Barcelonën të ndërmarrë veprime vendimtare.
