Konfederata Evropiane e Volejbollit ka miratuar unanimisht kandidaturën e përbashkët të Federatës së Volejbollit të Kosovës dhe Federatës Shqiptare të Volejbollit për organizimin e Kampionatit Evropian të Volejbollit 2027. Vendimi është konfirmuar përmes një letre zyrtare nga presidenti i CEV-it, Roko Sikiric, drejtuar presidentëve Bahri Gjinovci dhe Erlind Pëllumbi.

Turneu do të zhvillohet në Prishtinë dhe Tiranë, ndërsa finalja e madhe do të luhet në Prishtinë, me pjesëmarrjen e 16 kombëtareve nga e gjithë Evropa.

Ky kampionat do të sjellë në skenë talentët më premtues të volejbollit evropian, duke u dhënë mundësinë yjeve të së ardhmes të shkëlqejnë në një ngjarje ndërkombëtare.