Dybala gati ta padisë Juventusin, i kërkon 50 milionë euro
Lexohet për: 3 min.
dybala
1 vit më parë
Linku u kopjua

Raportet në Itali sugjerojnë se Paulo Dybala dëshiron të padisë Juventusin për 50 milionë euro, që është diferenca midis kontratës që kishte rënë dakord me “Zonjën e Vjetër” dhe marrëveshjes së tij aktuale me Romën .

Historia midis “La Joya” dhe “Bianconerëve” rrezikon të përfundojë në një betejë ligjore me gjigantët e Serisë A, të cilët ende i detyrohen atij me rreth 3 milionë euro nga manovra e dytë e pagave që FIGC dhe Prokurori i Torinos po hetojnë.

Sipas “Il Corriere della Sera’ dhe “La Repubblica”, argjentinasi dëshiron që Juventusi të paguajë këtë shumë deri në prill, ose do të padisë ish-klubin e tij, përcjellë KosovaPress.

Megjithatë, kjo nuk është e gjitha, pasi avokati i lojtarit duket i vendosur të padisë Juventusin sepse ata nuk ia zgjatën kontratën e skaduar sulmuesit në sezonin 2021-2022.

Avokati i Dybala-s, Luca Ferrari thuhet se i tha Ndihmës Prokurorit Marco Gianoglio dhe Prokurorit Mario Bendoni më 28 shkurt se klubi dhe klienti i tij kishin rënë dakord për një kontratë të re, një kontratë pesëvjeçare me vlerë 9,2 milionë euro neto.

Sipas raportit, Dybala kishte lejuar përfaqësuesin e tij, i cili nuk është agjent i tij – të anashkalonte sekretin profesional dhe të zbulonte detajet e marrëveshjes së tij tek prokurorët e Torinos.

“Mendoj se do të ndjek dy rrugë,” thuhet se u tha avokati i Dybalas, Ferrari, prokurorëve Gianoglio dhe Bendoni.

"Veproni edhe bazuar në rinovimin e dështuar dhe bazuar në shkrimet mbrojtëse të nënshkruara në herën e dytë."

Dybala kishte nënshkruar një marrëveshje të pazbuluar me Juventusin, e cila supozohej t'i jepte “La Joya”-s 3 milionë euro nëse ai kishte qëndruar apo larguar nga Torino.

Kontrata e Dybala-s në “Allianz Stadium” skadoi në qershor të vitit 2022, por Juventusi fillimisht kishte rënë dakord për të zgjatur qëndrimin e tij në fund të vitit 2021, duke ndryshuar mendje disa muaj më vonë, pas blerjes prej 80 milionë eurosh të Dusan Vlahovic nga Fiorentina .

Prandaj, Dybala jo vetëm që do të padisë Juventusin për 3 milionë euro nëse ata nuk paguajnë deri në prill, por do të kërkojë 50 milionë euro më shumë, që është diferenca mes marrëveshjes që kishte arritur me Juventusin dhe kontratës trevjeçare që nënshkroi me Romën verën e kaluar. .

Kjo webfaqe mirëmbahet dhe menaxhohet nga Agjencia e Lajmeve KosovaPress. KosovaPress mban të drejtat e rezervuara me copyright sipas dispozitave ligjore për të drejtat e autorit dhe pronës intelektuale. Përdorimi, modifikimi dhe shpërndarja për qëllime komerciale pa marrëveshje me KosovaPress, ndalohet rreptësisht.
Ky aplikacion uebsajti është zhvilluar me mbështetjen e #SustainMedia Programme, i bashkëfinancuar nga Bashkimi Evropian dhe Qeveria Gjermane, ndësa implementohet nga GIZ, DW Akademie dhe Internews. Përmbajtja e tij është përgjegjësi vetëm e KosovaPress dhe nuk pasqyron domosdoshmërisht pikëpamjet e BE-së apo të Qeverisë Gjermane.
Të gjitha të drejtat e rezervuara nga A.P.L. KosovaPress © 2002-2025