Ka përfunduar ndeshja tejet interesante e Premier Ligës mes Newcastle United dhe West Ham United, ku pas shtatë golave dhe një kartoni të kuq, nikoqirët marrin pikët e plota me përmbysje të rezultatit.

Pas më shumë se 90’ minutave lojë të zhvilluara në stadiumin “St. James Park”, Newcastle e ka mposhtur 4:3 skuadrën e West Hamit, raporton KosovaPress.

Golat për vendasit i shënuan Isak (minuta e 6’ dhe 77’) dhe Harvey Barnes (minuta e 83’ dhe 90’), kurse te West Hami golashënues ishin Antonio (minuta e 21’), Kudus (minuta e 45+10’) dhe Bowen (minuta e 48’).

Ndërkaq, me karton të kuq u ndëshkua Anthony Gordon i Newcastle në minutën e 90+4’.

Me fitoren e sotme, Newcastle ngjitet në kuotën e 43 pikëve në vendin e tetë, krahas West Hamit që renditet i shtati me 44 pikë të arkëtuara.

Rezultati final, 4:3 në favor të Newcastle.