Shaqir Rrahimi është dëshmitari i dhjetë i mbrojtjes së Salih Mustafës i cili sot është duke dhënë dëshminë e tij pranë Dhomave të Specializuara në Hagë. Rrahimi tregoi se si e kishte ndihmuar dhe transportuar Nuredin Ibishin dhe Kapllan Parduzin pasi ishin plagosur në ofensivën e 9 prillit 1999, ndërsa u shpreh se Salih Mustafën fatkeqësisht nuk e ka njohur në prillin e vitit 1999 dhe për herë e parë e ka parë në televizor.
Ish pjesëtari i UÇK-së, Shaqir Rrahimi tregoi në periudhën kohore janar-qershor 1999 nuk ka marr pjesë në ndonjë ofensivë, por ka përjetuar sulmin nga forcat serbe të 9 prillit në Surdull ku kishin mbetur të plagosur dhe të vrarë, ndër ta të plagosur tregoi se ishin edhe Nuredin Ibishi dhe Kapllan Parduzi.
Dëshmitari: Unë kam qenë në fshatin Turuçicë
Avokati: dhe si keni kuptuar se janë vrarë dhe lënduar civilë apo ushtarë gjatë atij sulmi, ofensive
Avokat Shala: E ju si e kuptuat se janë plagosur Nuredin Ibishi dhe Kapllan Parduzi
Dëshmitari: Se na bënim furnizimin e popullatës, duke shpërndarë ndihma popullatës, miell dhe gjëra elementare çka mundeshim me siguri, najloni për mbulesë sepse njerëzit flinin në fushë, edhe popullata normal që e kishte dëgjuar atë ngjarje dhe u folke nëpër popullatë atëherë kur kam dëgjuar se është plagosur komandant Leka, ka qenë një spital i improvizuar por nuk ka qenë spital ai u kanë stallë me një tepi dhe sfungjerë dhe kam shkuar në atë spital të improvizuar dhe kam shkuar dhe e kam parë gjendjen e Nuredin Ibishin dhe Korab Parduzit aty ka pasur dhe të tjerë qytetar dhe fëmijët të plagosur
Dëshmitari: E kam vendas është i Orllanit e kam edhe kushëri jemi të një gjaku, e ndjeja obligim moral me shkua me vizitua dhe nëse ka nevojë me ndihmua diçka
Më pas i pyetur nga avokati, Betim Shala se si kishte vepruar për ta ndihmuar Nuredin Iibishin dhe Kapllan Parduzin për të marr trajtim më të mirë mjekësor, Rrahimi tregoi se si me traktorin e tij i kishte bartur ata deri në Rimanisht, udhëtim ky i cili tha se ka zgjatur 48 orë.
Tutje ai tha se këta dy persona nuk i ka njohur, por e di që kanë qenë civil dhe nuk ka pasur asnjë kontakt me ta.
Më pas mbrojtja e Salih Mustafës, dëshmitarin e ka ballafaquar me dëshminë e tij dhënë për palën mbrojtëse, ku derisa ishte pyetur nga avokati mbrojtës se a i dinte emrat e personave që i shoqëronin, ai kishte thënë se nuk i mban mend por të paktën dy herë njerëzit kishin thirr emrin Cali. Dëshmitari edhe sot para trupit gjykues pranoi se kështu kishte ndodhur.
Dëshmitari :po
Avokati Shala: Në pyetjen e avokatit mbrojtës a i dini emrat e tyre ju jeni përgjigjur nuk mbaj mend por të paktën dy herë ngërzitë thërrisnin emrin Cali, Cali a iu kujtohet që keni thënë kështu
Avokati Shala: a mund të na tregoni a e keni dëgjuar emrin Cali, Cali
Dëshmitari: deri tek Koliçi nuk jam i sigurt se si quhet vendi vetëm dy persona kanë ardhur në traktor për mua janë të panjohshëm atëherë kam thënë dhe tani po e them se kanë thënë Cal a shkojmë djathtas a majtas kaq edhe unë me ata persona nuk jam takuar
Dëshmitari: Fizikisht në një distancë thash kam pasur mundësi po
Dëshmitari i mbrojtjes së Salih Mustafës, Shaqir Rrahimi tregoi se gjatë muajit prill 1999 nuk e kishte njohur Mustafën, dhe asnjëherë nuk e ka parë deri pas arrestimit të tij kur ka dal në TV.
Dëshmitari: Për fat të keq timin nuk e kam njohur
Avokati Shala: Sot a e njihnin Salih Mustafën
Avokati Shala: A e dini Salih Mustafa a ka nofkë a e thërrasin edhe ndryshe
Dëshmitari: kam dëgjuar përmes televizorit pasi është bërë publike arrestimi i tij atëherë kam kuptuar se e ka nofkën Cali nuk e kam dëgjuar përpara
Dëshmitari: Janë bërë 23 vite është pak problem se ka ndryshuar 23 vite janë shumë, nuk mund ta përcaktoj saktë, këtu nuk kam përgjigje
Dëshmitari i mbrojtjes së Salih Mustafës, Shaqir Rrahimi ttregoi se ka qenë pjesëtarë i Ushtrisë Çlirimtare të Kosovës, ndërsa tha se pozita e tij ka qenë pozitë të çlirimit të atdheut dhe të kombit.
Mustafa është arrestuar më 24 shtator të vitit 2020 me pretendimin për krime lufte.
Sipas Dhomave të Specializuara “Aktakuza e konfirmuar përcakton se afërsisht midis 1 prillit 1999 dhe 19 prillit 1999, në një kompleks ndalimi në Zllash, Kosovë, u kryen krimet e ndalimit arbitrar, trajtimit mizor dhe të torturës kundër të paktën gjashtë personave”. Gjithashtu, në aktakuzë thuhet se “në një datë midis 19 prillit 1999, ose rreth kësaj date, dhe rreth fundit të prillit 1999, në atë vendndodhje u vra një i ndaluar”.
