Deliu-Kodra: Kontratat një-burimore po negociohen në tavolina kafenesh pa transparencë
Lajme
Lexohet për: 1 min.
4 javë më parë
Linku u kopjua
Deputetja e Partisë Demokratike të Kosovës, Blerta Deliu Kodra deklaroi se kontratat një-burimore janë bërë standard i përditshëm i Qeverisë Kurti. Sipas saj, dhënia e këtyre kontratave po bëhet në tavolina kafenesh, pa procedurë, konkurrencë apo transparencë.
Kështu u shpreh ajo në seancë të jashtëzakonshme për themelimin e komisionit hetimor për kontratat një-burimore, ku shtoi se në hulumtimin e bërë nga PDK në gjashtë ministri, thuhet se kontratat një-burimore janë përdorur në kundërshtim me ligjin.
“Kontratat një-burimore janë bërë standard i rregullt, standard i përditshëm i kësaj qeverie dhe ministrave të saj. Është bërë rregull dhënia e kontratave dhe negocimi i tyre në tavolina kafenesh me miq e me dosta pa asnjë procedurë, pa konkurrencë, pa asnjë transparencë", tha ajo.
Në seancë të jashtëzakonshme për themelimin e komisionit hetimor për kontratat një-burimore, Deliu-Kodra shtoi se qytetarët kanë të drejtë të dinë se ku po shkon buxheti i vendit.