Në mbledhjen e mbajtur të Kuvendit Komunal në komunën e Deçanit është diskutuar për shpenzimet e buxhetit komunal si dhe raportin një vjeçar për shpenzimet e kryetarit. Në mungesë të kryetarit të kësaj komune, Bashkim Ramosaj, drejtoresha për Buxhet dhe Financa, Dafina Cakaj ka arsyetuar shpenzimet vjetore komunale.
Ajo tha se të gjitha shpenzimet komunale janë të faturuara me arsyeje. Ndërsa, sa i përket shpenzimeve të kryetarit, Cakaj theksoi se kryetari i Deçanit është i vetmi që shpenzon pak në detyrë zyrtare.
Cakaj tha se komuna e Deçanit shpenzon buxhetin e saj mbi 90%, por se i gjithë buxheti shpenzohet në nevoja zyrtare.
Ndërkaq, drejtori i Drejtorisë Komunale të Arsimit, Besnik Hulaj theksoi se do të ndërtohen tre çerdhe publike për fëmijë në tre fshatrat e Deçanit.
Ai tha se çerdhet do të kenë kapacitet të mjaftueshëm për fëmijët e Deçanit dhe se do të kenë një kosto të ulët pagese.
Hulaj tha se çerdhet të cilat janë në menaxhim privat do t’i rekrutojnë në çerdhe publike.
Tutje, drejtori i Bujqësisë, Pylltarisë dhe Zhvillimit Rural, Rifat Stokaj tha se për fermerët e Deçanit janë sjellë 34 krerë lopë.
Stokaj theksoi se Deçani është i pari sa i përket cilësisë së qumështit.
Drejtori i Bujqësisë, Stokaj tha se do të investohet edhe në infrastrukturë. Ai tregoi se do të investohet në nëntë fshatra me kanale të ujitjes.
