Antonio Conte e ka bërë prioritet angazhimin e tij te Bayerni për sezonin e ardhshëm, por ka kandidatë të tjerë për këtë rol, përfshirë ish-trajnerin e Romës , José Mourinho, i cili tashmë po mëson gjermanisht.

Bayern Munich ka pësuar tri humbje radhazi në të gjitha garat, duke përfshirë një kundër Lazios në Ligën e Kampionëve, dhe po shqyrton nëse do të vazhdojë me Thomas Tuchel përtej verës.

Disa kandidatë janë lidhur me punën e Bayern Munichut dhe sipas raportit të fundit nga Sport Bild, disa janë më shumë se fytyra të njohura për tifozët e Serie A, [ërcjellë KosovaPress.

Gazeta gjermane pretendon se Conte ëndërron të drejtojë gjigantët e Bundesligës sezonin e ardhshëm dhe po synon të jetë në krye të tyre për sezonin 2024-2025.

Conte ka qenë i lidhur me Milanin, Napolin dhe Juventusin. Ai në intervistën e tij të fundit tha se ëndërron të fitojë Ligën e Kampionëve.

Ish-trajneri i Romës, José Mourinho është gjithashtu një kandidat për këtë detyrë, me kusht që Tuchel të largohet në verë. Sipas raportit, tekniku portugez është aq i prirur për t'u bashkuar me bavarezët sa që tashmë po mëson gjermanisht.