Manchester City e ka konfirmuar se Julian Alvarez ka rinovuar kontratën e tij me klubin.

Alvarez ka rënë dakord për një zgjatje njëvjeçare të kontratës së tij me Cityn, duke e mbajtur atë me klubin deri në vitin 2028, raporton KosovaPress.

Alvarez është në sezonin e tij të parë me Cityn, pasi ra dakord për një transferim nga gjiganti argjentinas River Plate në janar 2022. Ai ka shënuar 10 gola në 33 paraqitje këtë sezon në të gjitha garat.

“Ky është një moment shumë krenar për mua dhe familjen time. Për një klub si City që të besojë në mua si kjo është e mahnitshme," tha Alvarez për faqen zyrtare të klubit të Cityt.

"Unë kam qenë shumë i kënaqur me sezonin tim të parë këtu, por kam shumë më tepër që mund të bëj. E di që mund të bëjë më mirë, dhe City më ofron gjithçka që më nevojitet për të përmbushur potencialin tim”, shtoi më tej Alvarez.