Cikloni Gabrielle, shpallet gjendje e jashtëzakonshme në Zelandën e Re
Qeveria e Chris Hipkins ka shpallur gjendje të jashtëzakonshme në Zelandë të Re, pas goditjes së vendit nga cikloni Gabrielle.
Rreth një e treta e popullsisë së vendit prej pesë milionë banorësh jeton në zonat e prekura.
Shumë njerëz janë zhvendosur dhe disa janë shpëtuar nga çatitë.
Rreth një çerek milioni njerëz janë pa energji elektrike. Rënia e pemëve ka shembur shtëpi dhe rrëshqitjet e dheut kanë marrë të tjerë dhe kanë bllokuar rrugët.
Dëmi i stuhisë ka qenë më i madh në komunitetet bregdetare në bregun verior dhe lindor të ishullit të Veriut - me zona si Gjiri Hawke, Coromandel dhe Northland ndër më të goditurat.
Komunikimet me një qytet në rajon janë ndërprerë plotësisht pasi një lumë ka dalë nga brigjet e tij, shkruan BBC, përcjell KosovaPress
Autoritetet e mbrojtjes civile në Hawke's Bay kanë thënë se nuk mund të përballojnë shkallën e dëmit.
Australia dhe Britania e Madhe janë zotuar të ndihmojnë.
