Fituesi i Kupës së Botës, Enzo Fernandez ka rënë dakord që të largohet nga Benfica për t’iu bashkuar Chelseat, i cili po përgatit një ofertë marramendëse për mesfushorin argjentinas.

Enzo Fernandez ka pranuar që të largohet nga Benfica këtë janar dhe t’i bashkohet Chelseat, sipas ekspertit të njohur të transferimeve, Fabrizio Romano.

“Blutë” e Londrës tani janë në kontakt direkt me Benfican dhe po përgatisin një ofertë marramendëse për mesfushorin, i cili ka një klauzolë lirimi prej 120 milionë eurosh në kontratën e tij.

Liverpooli dhe Manchester United janë lidhur vazhdimisht me një transferim të Fernandez, por ende nuk kanë bërë ndonjë ofertë.

Chelsea ka ofruar tashmë 130 milionë euro për Fernandez, më shumë se sa klauzola e tij e lirimit, dhe janë në pozicionin favorit për të blerë të fituesin e Kupës së Botës.

Ndërkohë, Benfica ka mohuar komentet e presidentit Rui Costa se ai do të lejojë mesfushorin të largohet nëse klauzola e tij e lirimit plotësohet dhe këmbëngul se dëshiron që argjentinasi të qëndrojë për pjesën tjetër të sezonit.