Trajneri i Napolit, Francesco Calzona, ka konfirmuar skuadrën e tij për ndeshjen e sotme në Serie A me Torinon, duke lënë jashtë dy talente të lënduar.

Napoli ka filluar të përjetojë një ngritje në formë nën drejtimin e trajnerit të Sllovakisë në javët e fundit, duke mposhtur Sassuolon 6:1, përpara se të siguronte një fitore kyçe 2:1 ndaj Juventusit në shtëpi, një rezultat që i dha një shtysë besimi skuadrës, raporton KosovaPress.

Napoli e mbajti Barcelonën në një barazim 1:1 në ndeshjen e parë të raundit të 16-të të Ligës së Kampionëve muajin e kaluar dhe do të udhëtojë në “Camp Nou” javën e ardhshme për të luftuar për një vend në çerekfinale.

Siç u konfirmua sot, Calzona ka bërë të ditur skuadrën e tij prej 22 lojtarësh të Napoli për përballjen e tyre të ardhshme në Serie A me Torinon, duke lënë jashtë Cyril Ngonge dhe Jens Cajuste të lënduarit. Amir Rrahmani i është bashkuar skuadrës, i rikuperuar pasi u detyrua të largohej në fitoren ndaj Juventusit.

Napoli pësoi një humbje të dhimbshme 3:0 ndaj Torinos nën drejtimin e trajnerit të mëparshëm, Walter Mazzarri në janar, kështu që kampioni italian do të jetë i etur për hakmarrje sonte në mbrëmje.

Skuadra e Napolit për t'u përballur me Torinon

Portierë: Nikita Contini, Pierluigi Gollini, Alex Meret.

Mbrojtës: Giovanni Di Lorenzo, Juan Jesus, Mario Rui, Pasquale Mazzocchi, Natan, Mathias Olivera, Leo Ostigard, Amir Rrahmani.

Mesfushorët: Franck Anguissa, Leander Dendoncker, Stanislav Lobotka, Jesper Lindstrom, Hamed Junior Traorè, Piotr Zielinski.

Sulmues: Khvicha Kvaratskhelia, Victor Osimhen, Matteo Politano, Giacomo Raspadori, Giovanni Simeone.