Kandidati për deputet nga radhët e Aleancës për Ardhmërinë e Kosovës, Lahi Brahimaj tha se do të ndërtojnë një Kosovë të zhvilluar ekonomikisht, me perspektivë të qartë euro-atlantike dhe me dinjitet të plotë shtetëror.

Ai njoftoi për takimin që ka zhvilluar të martën me bashkëluftëtarë në Gjakovë.

“Rrugëtimi ynë vazhdoi me takimin e përzemërt me bashkëluftëtarë në Gjakovë, ku bashkë me kryetarin e Deçanit, Bashkim Ramosaj, patëm kënaqësinë të bashkëbisedojmë me luftëtarët e lirisë. Falënderim të veçantë për Gjeneral Maliq Ndrecën për organizimin e këtij takimi shumë domethënës. Gjithashtu me kryetarin e Gjakovës, Ardian Gjini dhe kandidatë të tjerë, takuam banorët e Ponoshecit dhe Babaj Bokës”, shkroi Brahimaj në Facebook.

Ai tha se mbështetja e fuqishme për vizionin e Kosovës Fituese “është konfirmim se jemi në rrugën e duhur".

"Së bashku do të ndërtojmë një Kosovë të zhvilluar ekonomikisht, me perspektivë të qartë euro-atlantike dhe me dinjitet të plotë shtetëror”, tha ai.

Artikull i sponsorizuar