Bowman: Ne duam të shohim Kosovën dhe Ballkanin në përgjithësi në paqe
Lexohet për: 2 min.
1 vit më parë
Linku u kopjua
Vazhdoi dita e dytë të edicionit të dhjetë të Javës së Gruas, organizuar nga Instituti Kombëtar Demokratik (NDI) në Prishtinë.
Panelistë të mërkurën ishte edhe kryetari i Partisë Demokratike të Kosovës, Memli Krasniqi, i cili prezantoi para pjesëmarrësve platformën 50/50 për barazi gjinore që partia e tij po e zbaton.
Ai tha se synojnë që në PDK të ketë barazi mes burrave dhe grave në çdo strukturë partiake dhe vendimmarrëse.
Përmes një video-lidhjeje, të pranishmëve iu adresua edhe ambasadori jorezident i Kanadasë në Prishtinë, Alan Bowman.
Ai tha se politikat e barazisë gjinore duhet të jenë prioritet në Kososvë.
"Ne duam të shohim Kosovën dhe Ballkanin në përgjithësi në paqe, prosperitet dhe siguri. Cila është mënyra më e mirë për të bërë këtë, në pikëpamjen time duhet të sigurohemi që disa vlera universal, të cilat i ndajmë të kuptohen mirë në dy anët e Atlantikut dhe të punojmë bashkërisht që t'i promovojmë ato", tha ai.
Po ashtu, përmes një video-lidhje, senatori amerikan, Ritchie Torres tha se duhet të fuqizohet përfaqësimi për të gjithë qytetarët, pa asnjë diskriminim.
Në konferencën e sotme nga panelistë të tjerë u diskutua edhe për barazinë, si parakusht për ripërtëritje të demokracisë./KosovaPress/
