Kryetari i Asociacionit të Komunave të Kosovës, Agim Aliu ka deklaruar se nga kryeministri i Kosovës, Albin Kurti morën zotimin se do të nisë një procedurë për zgjidhjen e çështjes së të hyrave vetanake. Ai tha se Qeveria e Kosovës duhet të ketë vullnet për adresimin e këtij problemi, derisa komentoi edhe deklarimet e Kurtit, i cili u shpreh se “kryetarët e komunave po e luajnë rolin e  opozitës”.

Për këtë deklarim të Kurtit, kryetari i komunës së Ferizajt, Agim Aliu  tha se kryetarët e komunave nuk janë opozitë, pasi opozita e qeverisë Kurti është në parlamentin e Kosovës.

Sa i takon çështjes së të hyrave vetanake, i pari i Ferizajt tha se morën zotimin nga kryeministri Kurti se do të fillojë një procedurë për zgjedhjen e kësaj çështjeje.

Sipas tij, qeveria duhet të ketë vullnet të zhbllokojë këtë proces.

Sa i takon paralajmërimeve të disa kryetarëve se çështjen e të hyrave vetanake do e dërgojnë në Gjykatën Kushtetuese, kryetari i Ferizajt u shpreh se nuk beson se do të vije puna deri aty.

https://kosovapress.com/admin/kurti-thote-se-ka-prioritet-nivelin-lokal-komunat-kundershtojne-faljen-e-tatimit/

Kryetari Aliu u shpreh se në këtë takim me kryeministrin dhe ministrat e Kosovës kërkuan azhuritet e efikasitet në mënyrë që të evitohen problemet që po përballen.