Sekretari amerikan i Shtetit, Antony Blinken tha në Nju Delhi, se vendi i tij "vlerëson" hapat e Izraelit për të minimizuar viktimat civile, por se kjo nuk është e mjaftueshme.

Ai tha se SHBA u ka propozuar ide shtesë izraelitëve, duke përfshirë "pauza humanitare" më të gjata dhe zgjerimin e sasisë së ndihmës për të hyrë në Gaza.

Hapat, tha ai, "do të shpëtojnë jetë dhe do të mundësojnë më shumë ndihmë për të arritur tek palestinezët në nevojë", por në të njëjtën kohë, "duhet bërë shumë më tepër për të mbrojtur civilët dhe për t'u siguruar që ndihma humanitare të arrijë tek ata".

Diplomati amerikan tha se "shumë palestinezë janë vrarë, shumë kanë vuajtur javët e fundit" dhe se duhet bërë gjithçka që është e mundur për të parandaluar dëmtimin e tyre dhe për të maksimizuar ndihmën që u nevojitet. /The Guardian