Blinken: SHBA nuk i inkurajoi ukrainasit të kryenin sulme brenda Rusisë
Sekretari amerikan i Shtetit, Antony Blinken tha sot, në lidhje me një seri sulmesh me dronë brenda territorit rus, se Shtetet e Bashkuara nuk e inkurajuan Ukrainën që ta bënte këtë.
"Ne as nuk i inkurajuam dhe as nuk i mundësuam ukrainasit të sulmonin brenda Rusisë," u tha Blinken gazetarëve, raporton Guardian.
Guvernatori i rajonit të Kurskut në Rusi, Roman Starovojt, tha dje se aeroporti i Kurskut është sulmuar nga një dron, si pasojë e të cilit një depozitë nafte ka marrë flakë, gjatë së cilës nuk ka pasur viktima.
Ministria ruse e Mbrojtjes njoftoi më 5 dhjetor se Ukraina u përpoq të sulmonte aeroportet ushtarake në rajonet e Saratovit dhe Ryazanit të Rusisë me ndihmën e dronëve të prodhimit sovjetik dhe se aviacioni rus, me ndihmën e mbrojtjes ajrore, rrëzoi dronët ukrainas duke fluturuar në lartësi të ulët.
Në sulm u vranë tre anëtarë të personelit ushtarak-teknik, ndërsa katër u plagosën.
