Berisha në protestë: Qëllimi i revolucionit është përmbysja e monizmit • KosovaPress

Biznes

Intervista

Deçani në “kurth gjeografik” nga mungesa e fondeve për investime

Lajme

Stradner: Vuçiq planifikon lëvizje të re ndaj protestave masive në Serbi

Rajoni

Stradner: Vuçiq planifikon lëvizje të re ndaj protestave masive në Serbi

Berisha në protestë: Qëllimi i revolucionit është përmbysja e monizmit

Lexohet për: 4 min.

1 vit më parë

Linku u kopjua

Kreu i Partisë Demokratike, Sali Berisha atakoi në fjalën e mbajtur gjatë protestës së opozitës qeverinë Rama. Berisha tha se kryeministri Rama dhe qeveria e korruptuar kanë vjedhur miliona euro si kurrë më parë në historinë e Shqipërisë.

Ai tha se kjo është protestë e revolucionit paqësor, në të cilën siç tha ai, janë të vendosur të shkurtojnë ditët e kësaj qeverie anti-shqiptare.

“Edi Rama është armik i qenies tuaj, është plaçkitësi më i madh në historinë e vendit. Është armik i miqve tanë në ShBA-të dhe Evropë. Në rast se ju kujtohet, vite më parë, flakte si leckë flamurin amerikan...një vit më parë, zhduku nga faqja e dheut në Shqipëri, flamurin e NATO-s, e cila përbën sot aleancën më kryesore të paqes dhe sigurisë në botë”, u shpreh ai.

Ai shtoi se sot secili ka para vetës një mision të madh për kombin e tyre.

“Cili është qëllimi i këtij revolucioni? Qëllimi i këtij revulucioni është përmbysja e monizmit të bazuar në krimin, drogën, në vjedhjen dhe plaçkitjen e shqiptarëve. Kurrë në histori, një njeri nuk ka vjedhë këtë komb siç e ka vjedhur Edi Rama me organizatën e tij kriminale. Në një kohë që ju përcillni fëmijët jashtë për kafshatën e gojës, kryeministri shpirtlig, vendos prapa kësaj ndërtese, vazon 4 milionë euro, e mjaftueshme për të blerë ilaçet një muaj të gjithë pensionistët shqiptarë. Në një kohë kur ju, gëzimet familjare, dasmat, ditëlindjet, festat e tjera, mezi i gëzoni se nuk keni para, ky krim-ministër shëtit me avionin e tij në dispozicion me dhomë gjumi, dreko dhe darkon me 10 mijë euro, shpenzon me fluturime 22 milionë euro”, tha Berisha.

Berisha tha se me vjedhjet e qeverisë në aferën e inceneratorëve mund të bëhej një rritje prej 130% e pagave të qytetarëve shqiptarë. Sipas tij, revolucioni i tij ka mision të madh të demokracisë dhe shpëtimit të Shqipërisë.

Kreu i Partisë së Lirisë, Ilir Meta mbajti fjalën e tij në protestën e opozitës këtë të premte.

Sipas tij, Edi Rama ka implikuar një regjim lider për largimin e vendit.

“Jemi sot këtu në vazhdim të angazhimit tonë të pathyeshëm për ta rrëzuar këtë regjim me protesta e me zgjedhje, me zgjedhje e me protesta. Një regjim i tmerruar nga vota e lirë, një i marrë i tmerruar nga fjala e lirë, i tmerruar nga firmat që ka hedhur për të plaçkitur miliarda euro”, u shpreh Meta.

Kreu i Partisë së Lirisë tha se siguria juridike është tronditur në themel.

“Jemi sot këtu sepse është tronditur në themel siguria juridike, parim themelor i kushtetutës sonë. Jemi këtu sepse këtij të marri nuk i mjafton që uzurpoi Partinë Socialiste, që e shndërroi në një bandë plaçkitëse, me deputetë të cilët janë vetëm kartona dhe nuk kanë asnjë bindje politike. Nuk kanë asnjë kujtesë për sa i takon të kaluarës, nuk kanë asnjë shqetësim sa i takon të ardhmes së këtij vendi e sidomos edhe të vet fëmijëve të tyre. Dhe tani kërkon të marri edhe vulën e Partisë Demokratike, ky njeri me probleme të mëdha mendore, karakteriale, politike, sot është në panikun e presioneve më mafioze që ushtrohen nga të gjithë ata mbështetjen që kërkoi për të kapur shtetin”, deklaroi Meta. /KosovaPress

Edi Rama

Klikoni këtu nëse dëshironi t'i lexoni lajmet e fundit dhe të përzgjedhura në kanalin tonë zyrtar në Viber.

Kjo webfaqe mirëmbahet dhe menaxhohet nga Agjencia e Lajmeve KosovaPress. KosovaPress mban të drejtat e rezervuara me copyright sipas dispozitave ligjore për të drejtat e autorit dhe pronës intelektuale. Përdorimi, modifikimi dhe shpërndarja për qëllime komerciale pa marrëveshje me KosovaPress, ndalohet rreptësisht.

Ky aplikacion uebsajti është zhvilluar me mbështetjen e #SustainMedia Programme, i bashkëfinancuar nga Bashkimi Evropian dhe Qeveria Gjermane, ndësa implementohet nga GIZ, DW Akademie dhe Internews. Përmbajtja e tij është përgjegjësi vetëm e KosovaPress dhe nuk pasqyron domosdoshmërisht pikëpamjet e BE-së apo të Qeverisë Gjermane.