Deputeti i Vetëvendosjes, Artan Abrashi ka bërë thirrje që të bojkotohen produktet e Serbisë.

Abrashi tha se duke bojkotuar produktet serbe mund të  orientohet edhe konsumi i produkteve vendore, ku ka theksuar edhe se në këtë mënyrë mund të forcohet ekonomia e vendit.

“Në këto kohëra të ndjeshme, brenda mundësive tona të gjithë mund të bëjmë nga pak për vendin tonë. Ta orientojmë së bashku konsumin në produkte vendore. Ta forcojmë sadopak ekonominë tonë. Ose së paku, t'i shmangim ato mallëra që financojnë një ekonomi që ushqen makinerinë ushtarake e cila çdo ditë na kërcënon me zhdukje. Duaje tëndën! Bojkoto produktet e Serbisë”, ka shkruar Abrashi.