Bashkimi Evropian tha se Serbia i ka shkelur obligimet nga dialogu derisa e ka miratuar një projektligj për juridiksion gjyqësor serb në Kosovë.

Zëdhënësja Nabila Massaralli, tha për KosovaPress se “Projektligji i propozuar nga Qeveria e Serbisë [për të shpallur Kosovën zonë të mbrojtjes së veçantë dhe për juridiksionin që autoritetet gjyqësore të ndjekin vepra penale në Kosovë] në mënyrën siç janë publikuar, paraqesin shkelje të qarta nga Serbia të obligimeve nga dialogu dhe bien në kundërshtim me përkushtimin e përsëritur së fundmi për dialogun”.

Blloku i bëri thirrje Serbisë që ta rishqyrtojnë projektligjin në fjalë përmes së cilit synon krijimin e një prokurorie speciale për territorin e Kosovës.

Ky projektligj, ashtu siç është paraqitur, kërkon themelimin e një prokurorie speciale “për t’i ndjekur penalisht ata që marrin pjesë në persekutimin e popullatës serbe” në Kosovë.

Bashkimi Evropian i ka kujtuar Serbisë detyrimet për respektim të të gjitha marrëveshjeve që kanë dalur nga dialogu i Brukselit.

Lidhur me këtë, të martën ka reaguar edhe zëvendëskryeministri i Kosovës, Besnik Bislimi duke thënë se Serbia po shkelë marrëveshjet me këto projektligje.

4/7 Through Serbia's own moves on the ground, including the incitement of escalations in the last 3 years, Banjska attack, attacks against our institutions, incursion into our territory & the abduction of police officers, barricades in the north, MIGs flying near our border ...

— Besnik Bislimi (@BislimiBesnik) October 29, 2024

Kosova dhe Serbia zhvillojnë dialog me ndërmjetësimin e BE-së që prej vitit 2011.