Bayerni e Dortmundi vazhdojnë me fitore në Bundesliga
Kanë përfunduar pesë nga gjashtë ndeshjet e programit të sotëm të Bundesligas, ku kemi disa rezultate tejet interesante.
Pas plot 90’ minutave lojë të zhvilluara në stadiumin “Allianz Arena”, Bayern Munichu e ka mposhtur 3:0 skuadrën e Bochumit, raporton KosovaPress.
Golashënues te kampioni gjerman ishin Thomas Muller (minuta e 41’), Kingsley Coman (minuta e 64’) dhe Serge Gnabry (minuta e 73’).
Fitore sot regjistroi edhe Borussia Dortmundi, e cila e mposhti Werder Bremenin me rezultat solid 2:0. Golat e fitore për Dortmundin i shënuan Bynoe-Gittens (minuta e 67’) dhe Julian Brandt (minuta e 85’).
Ndërkaq, Augsburgu i Mërgim Berishës u mposht 3:1 nga skuadra e Mainzit. Sulmuesi kosovar luajti gjatë gjithë ndeshjes, por që dështoi që ta gjente golin.
Rezultatet e ndeshjeve që kanë përfunduar në Bundesliga i gjeni më poshtë.
Bayern Munich 3:0 Bochum
Freiburg 2:1 Stuttgart
Hoffenheim 1:3 Bayer Leverkusen
Mainz 3:1 Augsburg
Werder Bremen 0:2 Borussia Dortmund
