Java e gjashtë e Ligës Unike të Meshkujve do të jetë vendimtare për skuadrat që synojnë kualifikimin në Final 4, që këtë vit organizohet në Shqipëri. Fituesit e këtyre ndeshjeve do të kenë mundësinë për të luftuar për titullin e kampionit.

Në një përballje interesante, Vllaznia do të ndeshet me GO+ Pejën të mërkurën në orën 18:00. Shkodranët vijnë pas fitores në Pejë me rezultat 71:81, duke regjistruar dy fitore dhe një humbje, ndërsa pejanët kanë vetëm një fitore dhe tri humbje.

Në sfidën tjetër të Grupit B, Golden Eagle Ylli pret Apoloninë po të mërkurën në orën 19:30. Ylli ka dy fitore e dy humbje, ndërsa Apolonia ka dy fitore e një humbje. Ndeshja e parë mes tyre për këtë sezon përfundoi në Fier me rezultat 61:71 për therendasit.

Në Grupin A, rezultatet zyrtare të javës do të regjistrohen:

Besëlidhja – Vëllaznimi 20:0, Bora – Teuta 0:20.

Kjo xhiro pritet të vendosë shumë për fatin e skuadrave drejt Final 4 dhe për titullin e sezonit.

KosovaPress