Bradley Barcola ka ndërprerë bisedimet me Paris Saint-Germain për kontratën e re, raporton L'Equipe.

E ardhmja e francezit 23-vjeçar është në pikëpyetje, pasi i kanë mbetur dy vite kontratë dhe duket i pakënaqur me rolin e tij dytësor te skuadra e Luis Enriques.

Liverpool dhe Arsenal janë lidhur fuqishëm me anësorin, por Daily Mail Sport shkruan se klubi nga Anfield ka përparësinë në garë.

Madje thuhet se vetë Barcola e ka prioritizuar kalimin te Liverpooli i Andoni Iraolas.

PSG, kampioni i Evropës, ende nuk ka vendosur nëse do ta shesë këtë verë, pasi shumë do të varet nga merkatoja, ku klubi po ndjek yllin e RB Leipzig, Yan Diomande.

Interesim për Barcolën kanë shfaqur edhe Bayern Munich dhe Chelsea, por raportimet thonë se ai tashmë ka refuzuar kalimin në Stamford Bridge.

Liverpool është në kërkim të një anësori të ri pas largimit të Mohamed Salah në verë dhe projekti sportiv nën drejtimin e Iraolas thuhet se e josh Barcolën.

KosovaPress