Barcelona arrin fitoren numër 9, thellohet epërsia e pikëve ndaj Real e Atletico
Futbollistët e Barcelonës kanë përmbyllur xhiron e dhjetë të La Ligës me fitore të thellë ndaj skuadrës Sevilla me rezultatin 5:1.
Katalanasit në këtë mënyrë kanë shtuar diferencën ndaj rivalëve në garën për titullin e ri – Real Madrid dhe Atletico Madrid - në gjithsej tri, përkatësisht shtatë pikë në renditjen tabelare.
Robert Lewandovski nisi serinë e golave për Barcelonën në minutën 28, për të thelluar epërsinë e skuadrës katalanase Pedri katër minuta më vonë dhe serish golin drejt rrjetës kundërshtare e gjeti sulmuesi polak në minutën 39.
Në pjesën e dytë skuadra vendëse arriti edhe dy gola në portën kundërshtare përmes Pablo Tore në minutat 82 dhe 88, teksa golin e vetëm dhe të nderit për mysafirët e shënoi Stanis Idumbo tre minuta para përfundimit të takimit. Pas kësaj humbjeje, skuadra Sevilla renditet e 12-ta në tabelë me 13 pikë.
