Banka Ekonomike përmes këtij libri “Në tokën amë, Kosovë”, ka sjellë më shumë se vetëm fotografi, më shumë se vetëm fjalë të thurura. Duke i qëndruar besnik idealit si bankë 100% vendore, Banka Ekonomike gjithmonë ka punuar dhe vepruar për të mirën e vendit, duke synuar në promovimin e një shteti plot vlerë.

Në ceremoninë e ekspozitës, kryeshefi ekzekutiv Shpend Luzha theksoi se përgjegjësia shoqërore e korporatës është një nga vlerat kyçe të Bankës Ekonomike.

“Ne jemi mbështetës aktivë të kulturës dhe artit në Kosovë dhe kontribuojmë në ruajtjen e vlerave dhe trashëgimisë kulturore kosovare. Fotografi të dokumentuara nga fotografët tonë të njohur, duke nis nga vendet më të fshehta e deri tek urbanizmi i hapur. Ky libër voluminoz me mbi 480 foto përbën një mori të dhënash mbi trojet tona, vende arkeologjike, objekte fetare, botën e gjallë, egërsinë e natyrës, institucionet e kulturës, trashëgiminë që e ruajmë me nder e privilegj”, theksoi ai.

Përveç tjerash Luzha theksoi se Banka Ekonomike ka vendosur që fotot, të cilat janë realizuar nga fotograf të mirënjohur të Kosovës, t’ia dhurojë donacion Muzeut Kombëtar të Kosovës, duke iu mundësuar shfrytëzimin e këtyre fotove për qëllime dhe nevoja të Muzeut të Kosovës.

Përfaqësuesja e Muzeut Kombëtar të Kosovës, Dafina Morina theksoi se këto fotografi donacion Muzeut Kombëtar të Kosovës do të shfrytëzohen për vizitorët vendorë dhe të huaj të muzeut, kështu që njoftohen më afër me bukuritë e natyrës dhe të trashëgimisë kulturore që janë në Kosovë.

“Falënderojmë të gjithë fotografët që morën pjesë në realizimin e librit “Në Tokën Amë, Kosovë”, e që me artin e tyre bashkëpunuan në krijimin e një libri plot vlerë.

Falënderojmë Bleron Llugiqi, Arian Mavriqi, Bleron Çaka, Meriton Dajakaj, Shkëlzen Rexha, Granit Hyseni, Ruzhdi Pacolli, Shpëtim Kaliqani, Korr e Ha n’katun dhe Albert Sinani”, tha ajo.

• 

• 

• 

• 

•