Diellza Kukaj ka hyrë në garën zgjedhore për deputete të ardhshme në Kuvendin e Kosovës nga Peja, pasi u nominua edhe zyrtarisht nga kryetari i AAK-së, njëherësh kandidati për kryeministër Ramush Haradinaj.

Në një postim në Facebook, Kukaj thotë se gara për Kuvend është një nder dhe përgjegjësi e madhe për të përfaqësuar zërin e qytetarëve.

“Në fjalën time përpara strukturave të Aleancës dhe qytetarëve të pranishëm, ndava besimin tim të palëkundur në rrugën që kemi përpara dhe në përpjekjen tonë të përbashkët për një të ardhme më të mirë. Me rrënjë të thella në Pejë dhe përvojë në fushën e ekonomisë, jam gati të përballem me sfidat e zhvillimit dhe stabilitetit për të sjellë ndryshime të prekshme në jetën e secilit qytetar”, ka shkruar ajo.

Kukaj thotë se nën udhëheqjen e Haradinajt si kryeministër i ardhshëm, Kosova do të integrohet në NATO, dhe do të ketë një progres të mirëfilltë ekonomik dhe në planin politik.

“Faleminderit, Pejë, për besimin dhe përkrahjen tuaj. Me përkushtim të plotë, pres t'ju përfaqësoj në Kuvendin e Republikës së Kosovës dhe të sigurohem që zëri i Pejës të dëgjohet fuqishëm”, është shprehur ajo.

• 

• 

• 

• 

• 

• 

• 

• 

• 

• 

• 

• 

•