Kandidati për deputet nga radhët e PDK-së, Artan Behrami ka qenë mbrëmë i ftuar special në vendlindjen e presidentit Hashim Thaçi në Burojë të Drenicës.

Përveç ish-këshilltarit të Thaçit Artan Behrami i cili vjen nga qyteti i Mitrovicës, aty morën pjesë edhe kandidatët për deputetë që vijnë nga rajoni i Drenicës.

Në një postim në Facebook, Behrami ka shkruar për takimin emocional me vendasit e presidentit Hashim Thaçi në Burojë të Drenicës!

“Thellësisht i nderuar me ftesën dhe mikpritjen e ngrohtë! Buroja nuk është vetëm vendlindja e Hashim Thaçit, por është edhe vatër e UÇK-së dhe vendlindja e pavarësisë së Kosovës! Ajo së shpejti do të shndërrohet edhe në vendlindjen e fitores së PDK-së dhe të kthimit të krerëve të UÇK-së në Kosovë”, ka shkruar Behrami.

Në fund të postimit Behrami ka rikthyer pyetjen dhe përgjigjen e famshme të presidentit Thaçi, “Edhe? Dihet!”.

Ky është postimi i plotë i Behramit, i cili mban numrin 75 në listën e PDK-së:

Artikull i sponsorizuar