Policia spanjolle ka arrestuar sot ish- presidentin e Federatës së Futbollit të Spanjës Luis Rubiales. Rubiales do të kthehej në Spanjë më 6 prill. Megjithatë, ai vendosi të kthehej tri ditë më herët dhe zbarkoi në mëngjesin e së mërkurës në aeroportin Madrid-Barajas.
Ish-presidenti i RFEF, i cili ishte në Republikën Domenikane kur shpërtheu rasti më 20 mars, u arrestua nga agjentët e UCO-së menjëherë pas uljes, raporton Gema Peñalosa.
UCO e Gardës Civile kontrolloi Federatën Mbretërore Spanjolle të Futbollit (RFEF) dhe shtëpinë e Rubiales në Granada dy javë më parë, kur ai ishte duke udhëtuar. Avokati i tij sqaron se ai do të dëshmojë pas disa ditësh dhe për këtë të mërkurë nuk është planifikuar asnjë veprim gjyqësor.
Megjithatë, Rubiales nuk ka kaluar nga dalja e aeroportit dhe është transferuar në zyrat e Gardës Civile në Aeroportin Adolfo Suarez Madrid-Barajas, konfirmojnë burime të tjera.