Trajneri i Real Madridit, Alvaro Arbeloa, ka dalë në mbrojtje të Kylian Mbappe pas kritikave për angazhimin e tij defensiv në eliminimin nga Liga e Kampionëve kundër Bayern Munich.

Megjithëse Reali po mbyll një sezon pa trofe dhe trajneri është nën presion, ai theksoi se sulmuesi francez dha maksimumin: "Nuk kam asgjë për t'i qortuar Kylianit.

Ai ishte në kulmin e lojës së tij, shënoi në të dyja ndeshjet dhe ishte një kërcënim konstant për mbrojtjen e tyre", u shpreh Arbeloa para ndeshjes me Alavesin.

Mbappe ka shënuar 40 gola në të gjitha garat këtë sezon, por dështimi në Evropë ka rritur tensionet në Madrid, sidomos pas largimit të Eduardo Camavingas me karton të kuq që i hapi rrugë përmbysjes së gjermanëve.

Ndërsa Barcelona udhëheq kampionatin me nëntë pikë avantazh, Arbeloa refuzoi të flasë për të ardhmen e tij në stol, por insistoi se skuadra nuk ka nevojë për një "revolucion të madh" për t’u rikthyer te sukseset edicionin e ardhshëm.

KosovaPress