Analistja Kaltrina Kamberi ka kritikuar Bashkimin Evropian për qëndrimin pro Beogradit zyrtar në raport me Kosovën.  

Ajo në platformën X ka shfaqur pamjet se si një studente 20-vjeçare goditet nga një veturë gjatë përgatitjes për tubimin e radhës sot kundër Aleksandar Vuçiq në Beograd.

Regjimi i Aleksandar Vuçiq - ku disidenca përballet me shtypje brutale! Ashtu si kjo protestuese e re femër, ata që sfidojnë sundimin e tij rrezikojnë të heshtin, ndoshta edhe të vriten. BE, KE, Ursula von der Leyen, ky është autoritari që ju lavdëruat jo shumë kohë më parë, ka shkruar Kamberi.

Ndërkohë, BE-ja zgjedh të dënojë Kosovën për shpërbërjen e strukturave ilegale paralele të Serbisë, por mbyll një sy ndaj çmendurisë që shpaloset nën kontrollin tiranik të Vuçiq. Prioritetet?, ka përfunduar Kamberi.

Kujtojmë, BE-ja ka kritikuar dje Prishtinën zyrtare për mbylljen e institucioneve paralele serbe në Kosovë, ndërkohë që Serbia ka bojkotuar takimin e planifikuar për të pagjeturit në Bruksel me ndërmjetësimin e Miroslav Lajçak.