Shqyrtimi i “Kërkesës së deputetes së Lidhjes Demokratike të Kosovës, Valentina Bunjaku – Rexhepi, lidhur me monitorimin e Autoritetit të Konkurrencës të Republikës së Kosovës, sa i përket zbatimit të Ligjit për zyrtarët publik, nuk ka kaluar në Komisionin për Ekonomi.

Kjo për shkak se deputetët e partisë në pushtet kanë abstenuar, duke mos e përkrahur të njëjtën.

Deputetja, Bunjaku, ka thënë se kërkesa e saj është të bëhet monitorim i jashtëzakonshëm i ligjit për Autoritetin e Konkurrencës nga Këshilli i Shërbyesve Civil.

Ndërsa, deputeti i Vetëvendosjes, Armend Muja ka thënë se kjo ka nevojë të qartësohet.

Ndërsa, me kërkesë të deputeteve të mazhorancës është hequr nga rendi i ditës Shqyrtimi i Raportit vjetor të Ndërmarrjes Publike të Operatorit të Sistemit, Transmisionit dhe Tregut – KOSTT Sh.a. për vitin 2023.

Kjo për shkak kohës së pamjaftueshme që kishin të njëjtit për të analizuar raportin.

Deputetja nga partia në pushtet, Jeta Statovci ka thënë se sipas procedurave dhe normave të parapara me rregulloren e Kuvendit, kjo pikë nuk e përmbush afatin e nevojshëm edhe për shqyrtim nga ana e deputeteve.

Ndërkaq, kryetari i këtij komisioni, Ferat Shala e ka arsyetuar këtë, duke thënë se raporti i KOSTT-it ka ardhë 15 minuta para përfundimit të afatit ligjor.

Ai ka thënë se arsye tjetër që është thirrur kjo mbledhje, është për faktin se një pjesë e anëtarëve të bordit të KOSTT-it ju përfundon mandati javën tjetër, duke shtuar se nuk pajtohet me faktin se intencat e grupeve të caktuara që anëtarët e bordit të mos vinë të raportojnë dhe të ikin të përfundojnë mandatin pa e mbyll raportin.

Në anën tjetër, deputetja nga Lidhja Demokratike e Kosovës, Valentina Rexhepi-Bunajku ka propozuar që kjo pikë të shtyhet për të enjten.

Lajmi i plotë në sistemin me parapagim...