“A po m’i jep a jo”- Bahtiri “provokon” LDK-në, shkon në zyrë dhe ia kërkon nënshkrimet për president
3-Third
Lexohet për: 2 min.
Dëgjoje me zë...
“A po m’i jep a jo”- Bahtiri “provokon” LDK-në, shkon në zyrë dhe ia kërkon nënshkrimet për president
Deputeti i LVV-së, Agim Bahtiri, ka bërë nje veprim të rrallë, duke shkuar, personalisht, te zyrat e Grupit Parlamentar të LDK-së, për t’i kërkuar, sic ka thënë, 15 nënshkrimet dhe emrin e kandidatit të kësaj partie për president.
Ai veproi kështu derisa shefja e Grupit parlamentar të Lidhjes Demorkatike po mbante një konferencë për medie, pas një deklarimi të pak minutave më parë të kryeministrit Albin Kurti se ai pret që partia e cila ka për kryetar Lumir Abdixhikun t’ia dërgojë nënshkrimet për kandidatin e vetë për president, “kushdo që është ai ose ajo”.
Veprimi i Bahtirit bëri të ketë një ballafaqim të pazakonshëm me Lushakun, kur kjo përfundoi konferencën.
“Në emër të LVV-së kërkoj nënshkrimet prej jush dhe emrin e kandidatit. Unë erdha sinqerisht, jam duke i kërkuar nënshkrimet”, tha ai.
Lushaku e quajti teatër kërkesën e deputetit të Vetëvendosjes dhe ish kryetarit të Mitrovicës duke i thënë se ai dhe as partia e tij nuk janë autoritete për të kërkuar diçka nga LDK.
“Teatrin në natën e fundit. Ti nuk je autoriteti, as LVV-ja, për të kërkuar nënshkrime. Kush është Vetëvendosja për t’i kërkuar nënshkrimet e LDK-së. Nënshkrimet dorëzohen dhe bëhet marrëveshje politike”, tha ajo.
Bahtiri insistoi se ai flet në emër të partisë dhe se ka tri ditë që po i kërkon këto nënshkrime.
“Unë jam në emër të Lëvizjes Vetëvendosje.S’po m’i jep a? A po m’i jep? A po m’i jep a jo?”, tha ai, para se të largohej nga hapësira ku Lushaku mbajti konferencë për shtyp. /KosovaPress/
/Kosovapress/
Lajmi i plotë ëshë në sistemin me parapagim.
Abonohu për ti shfryëzuar shërbimet KosovaPress-it.
