Njohësi i rrethanave kushtetuese, Mazllum Baraliu thotë se institucionet kompetente të mos vonohen apo të hezitojnë në marrjen e vendimit  nëse Lista Serbe duhet të shpallet antikushtetuese dhe t’i ndalohet veprimtaria në Kosovë. Sipas tij, nëse një subjekt politik siç është Lista Serbe solidarizohet me një grup terrorist i ardhur dhe organizuar nga qeveria e Beogradit nënkupton akt kundër sovranitetit të shtetit dhe sistemit kushtetues juridik.

Njohësi i Kushtetutës, Baraliu në një intervistë për KosovaPress thotë se pjesëmarrja e nënkryetarit të Listës serbe, Milan Radojcic si komandues dhe organizues në një grup terroristësh, është veprim kundër rendit kushtetues dhe juridik.

Profesori universitar, Mazllum Baraliu tha se pjesëmarrja e nënkryetarit të Listës serbe, Milan Radojcic si komandues dhe organizues në një grup terroristësh, është veprim kundër rendit kushtetues dhe juridik, derisa shtoi se për këtë duhet të marrin vlerësimin e duhur.

Tutje, njohësi i çështjeve juridike, Baraliu potencoi se Lista Serbe vetë ka pranuar se është pjesë e një akti agresioni terrorist kundër sovranitetit të shtetit dhe sigurisht duhet që duhet t'i pres pasojat.

Ndërkaq, Lista Serbe ka deklaruar tri ditë zie për vdekjen e tre sulmuesve serbë të cilët u vranë në Banjskë pasi sulmuan Policinë e Kosovës. /Z.Zeneli/