Michael Carrick ka arritur të ndryshojë tërësisht sezonin e Manchester United që kur mori drejtimin si trajner i përkohshëm në janar, duke siguruar zyrtarisht kualifikimin në Champions League pas fitores 3-2 ndaj Liverpoolit.

Carrick vlerësohet për thjeshtimin e sistemit taktik, kalimin në mbrojtjen me katër lojtarë dhe rikthimin e Bruno Fernandes në pozicionin e tij natyral si numër 10, lëvizje këto që zhbllokuan potencialin e skuadrës pas largimit të Ruben Amorim. Ndonëse performancat e fundit nuk kanë qenë gjithmonë frymëzuese, rezultatet e tij janë mbresëlënëse me "10 fitore, dy barazime dhe dy humbje në 14 ndeshje në krye".

Matheus Cunha ka shprehur lavdata për trajnerin, duke kujtuar se Carrick është një "kampion i shumëfishtë me Manchester United si lojtar" dhe se duke qenë i stërvitur nga Alex Ferguson, ai "e di se çfarë duhet për të fituar këtu".

Pavarësisht suksesit të menjëhershëm, ekzistojnë shqetësime se në planin afatgjatë United mund të vuajë nga mungesa e një "identiteti të qartë në posedim", raporton FlashScore.

Si rivali kryesor i Carrick për stolin e "Djajve të Kuq" ka mbetur Andoni Iraola, i cili vlerësohet për stilin e tij sulmues dhe intensitetin e lartë te Bournemouth. Megjithatë, mbështetësit e Carrick argumentojnë se ai zotëron një "prezencë dhe aurë të ngjashme me trajnerët si Carlo Ancelotti apo Zinedine Zidane" dhe përfaqëson stabilitetin që i duhet klubit në këtë moment, sipas FlashScore.

Legjenda e Liverpoolit Jamie Carragher ka shprehur dyshime të forta, duke deklaruar se "asnjë rival i Premier League apo Champions League nuk do të dridhej nëse Michael Carrick udhëheq Manchester United në sezonin e ardhshëm".

Artikulli përfundon se nëse Luis Enrique nuk bëhet i disponueshëm, Carrick ka bërë mjaftueshëm për të merituar postin e përhershëm, pasi "përfaqëson stabilitet dhe progres në një kohë kur Man Utd nuk mund të taskojë një tjetër hap prapa".

KosovaPress