34 banesa të reja janë përuruar sot për komunitetet jo shumicë të cilat jetojnë në kushte të vështira.
E gjithë kjo mbështetje është bërë në kuadër të projektit të strehimit të familjeve që kanë banuar në qendra kolektive. Kështu, ka theksuar Ambasadori i BE-së në Kosovë, Tomas Szunyog, i cili bashkë me kryeministrin Kurti kanë marrë pjesë në ceremoninë e përurimit.Ambasadori Szunyog po ashtu ka deklaruar se mbështetja e kësaj ngjarjeje edhe një herë rikonfirmon rolin e Bashkimit Evropian si donatori më i madh në Kosovë.
“BE-ja beson fuqimisht, se përmes mbështetjes së nevojave të të gjitha komuniteteve, Kosova mund të krijojë kushte jetese për të gjithë që reflektojnë shoqërinë multietnike dhe gjithëpërfshirëse dhe mbrojtjen e të drejtave të njeriut të komuniteteve joshumicë. Ajo ofron mundësinë që Kosova të ruajë të gjitha etnitë, kulturat dhe vlerat e tyre të ndryshme....Në kuadër të këtij projekti në total kemi mbështetur 56 familje të komuniteteve joshumicë të cilat jetojnë në kushte të vështira. Përveç 34 banesave të reja që po i përurojmë sot, kemi rinovuar edhe një kompleks tjetër banesor social në Komunën e Graqanicës, me ç'rast janë përmirësuar kushtet e jetesës së 22 familjeve. Përveç asistencës për strehim, projekti ofroi pajisje të reja shtëpiake, ushqime, pako jo ushqimore, lidhje të nevojshme infrastrukturore, gjenerim të të ardhurave akses në shërbimet sociale dhe zbukurim të zonave të përbashkëta. Ky projekt është pjesë e përkushtimit më të gjerë të BE-së ndaj Kosovës, komuniteteve joshumicë. Deri më sot, BE-ja ka ofruar mbi 77 milionë euro për programe të ndryshme që adresojnë komunitetet joshumicë, jetesën, krijimin e vendeve të punës, mbështetjen e arsimit, mbështetjen për organizatat e shoqërisë civile dhe kthimin dhe riintegrimin e personave të zhvendosur në Kosovë. Mbështetja e kësaj ngjarjeje edhe një herë rikonfirmon rolin e Bashkimit Evropian si donatori më i madh në Kosovë”, tha Szunyog.Ndërkaq, kryeministri i vendit, Albin Kurti ka thënë se edhe me këtë projekt si Qeveri janë duke përmbushur zotimet e dhëna.
Ai derisa është shprehur i lumtur që gjitha këto familje janë mbështetur nga ky projekt, ka thënë se dorëzimi i çelësave kujton dyert e qendrave kolektive që përfundimisht janë mbyllur, për të filluar një jetë më të mirë.
“Ministria për Komunitete dhe Kthim në bashkëpunim me në këtë rast parasë gjithash me mbështetjen e Zyrës së Bashkimit Evropian dhe gjithë ashtu në bashkëpunim për Zbatimin me Dr.C dhe UNHC kemi filluar ndërtimin e objektit në tetor të vitit 2022. Ku janë siguruar 34 njësi akomoduese për 83 persona, gjithashtu për çdo familje, Ministria ka siguruar gjithashtu në bashkëpunim me Dr.C., pajisje elektrike, mobilie si dhe pako ushqimore qe sigurisht ne fillim do t'ua lehtësojnë jetën këtyre familjeve, këtyre banorëve, ju nuk ju është siguruar vetëm kulmi mbi kokë, ju është sigurua edhe hapësira për rekracion dhe pres që të ndihmojmë, ashtu siç tha kryeministri pas ndeshjes së basketbollit, që përfundimisht ta rinovojmë edhe oborrin”, tha ai.